BHAGAWAN BUDDHA GOTAMA

1b. Namo Bhuda ya.
Bhagawan Buddha Gotama, mawarah-warah ring sisyanira, ring pamutusing Aji, “E anaku Sang Sewakadarma, sang mahyun malwaya wisesa, rengenen kumajar ing Aji, kang sinanggah dharma, amajarake na tang tatas sakeng Aji, anging byakta tuhu-tuhu juga, apaning Aji ngaranya hana ne ngucap,hana tinuduh, hana ginegwan, hana i ngaku, mangkana swabawanya, karane hana ingaranan Aji.”
Kuneng sang putusta mangkana ika, Bhatara sida juga sinamaya, tan arwa lan kami ring Sri Bhakti-bojana, Sri, ngaranya, mas pirak ratnadi; bakti ngaranya, sembah sarwa prenamya; bojana ngaranya, salwiring upaboga kang alep. Taha aywa ta mangkana, yan tumarima sri, yangken dinol wineli Sanghyang Darma, yan tumarima bhakti, yangken bedaken Sanghyang Darma, yan tumarima bojana,a-
2a. nadah kawetwaning/samaya, aywa ta mangkana, lebok ngaranya Sang Wiku, yan hana drewe kaharep.
Yan tumarimang sri, lebok ya ta kawisesa ring lupa.
Yan tumarimang bakti, lebok ya ta kawisesa dening tamah, apan yan amangan wareg, ya hetuning enak turunya, wiparita Sang Wiku yan mangkana, apa don Sang Wiku yan mangkana, mungsimaning sangsaya, Wikalpa, Tresna, lupa yan tumarimang sri, mas pirak, yan tumarimang sembah ya suka , yan tumarimang boga paboga, etun ing nangkana, kapanggihaning samaya, apan Sang Darma mayajna sunya ta, nda mangkana sang putus.
Kunang pretama Sang Mahaputus, sira ta sang malinggih ring Padmasana, sang tumarima Sri bakti bojana, sira sinambahira ring rat, sira Sang Ratu Guru, Umarah ring Niti Yoga, pan hana ngaran ira Bhatara akarya dharma sira, mangkana ta rehanya, kalinganya-
2b. naku, pwa pet perih kahilangan/ ing sarira, ndah aywa tan inaku, tan inaku ngaranya, kadyangganing wang amangan ring paletan, sumurup ring longan, tan inaku ngaraning sarira yang mangna. Inaku ngaranya tan ilang ning cara maryada yukti, mweng menget saking kinawruhanya, inaku ngaraning sarira yan mangkana.
Perih kahilanganya, makadwara wruh ring sangkan paran, perihpalepasaning buwana, ndah aywa ta ingatilepas, makadwara yan wruhanagata tan wipata, prih kahilanganing bayu, aywa ineb, kang makadwara kanirupeksan, prih kahilanganing sabda, ndan ayoga umeneng, makadwara kasarbwajnanan, prih kahilanganing idep, aywa tan pageleng, makadon wruhaning mangawruhi, prih kahilanganing tutur, ayo ta lupa, makadwara wruhning manon, ayoga wuta, makadwara katemu tan pinet, ndan sira wisesa, perih kahilanganing wisesa, makadwara umakwa tan pawastu, nahan pretama sang wuwus, ndah
3a. pada Bhatara, ri sakala pretyaksa, ring notsahaning jagra pada, ati mwang turyapada ika, cep wang jnana, luput sangkeng kayatatwa, yata Turyapada ngaranya, 2 , ri samangkana tang sinagguh widon, lawan sinangguh maturu tan pangipi, nda tan keneng premanan, makahetu padam ning jnana indriya, misep ring Antahredaya, aywa aywa tan pratipaksa, ring paksa mangkana, aywa tastuti, apan prajna parimitte, iking jnana, mwang sarwa karya karta, ya tika hetuning mangatita, matangnyan lina umenong wruh tan apunggung, walyakena pamutus nguni, maring sarira dening wruhning sangkan paran, ikang taya wyaktinyan sangkan, mangandeling ama Ratih, ikang jnana laki ta ya ika.
Puneng wyaktinyan paran, rikalaning pati ndi paranya, mareng sunya jugeka, kalinganya dadi sakeng taya,malwaya maring taya, mangkana swabawaning jadna.
Punang sang putus, tan malwi ya ring sangkan paran, nimitan
3a. ing mari masarira, / apan mari kabuwanan, dening anagata, tan wipata, ngaranya, anagata ngaranya, tan tumut wipata ngaranya, tan karaketan,dening marana bayu, den ikang manen, dening wruh katemu tan pinet, yan mangkana ya siananggah wisesa, dening tan w pawastu.
Ndah anaku ya tika kunci rahasya ngaranya, ndah ring Parama paseat Sanghyang Premana, sakeng telengning hredaya, patinggalning Rekamaya, gawenira ring sakala niskala, kang katon karengo, kahambung kaucap, kahidep, yata umisep ring gawe, pagawenira ngaranya, ikang idep mwang tutur, yata mapisan ring premana, kalinganing premana, marya mapremanaken, ya sinanggah wiesesa, tan inggatning wisesa, ya moksa ngke ngaranya, maputera sidaning kala, rep pwa yi sira, umeneng umibeking tan kabawanan, tan sinariran, tan hana ajnana, ya kalinganing sida moksa, lepas sida ngaranya, sing hening sing hening rupa warna, moksa ngaranya,
4a. ri denyan tan / kapangguhanya, lepas nagaranya, ri denyan p luput ing jnana mwang sarira, aywa tanakwa aywa mine, aywa tinembe, aywa anasama, ring kuna-kuna aywa minangkana, ayo minangke, apa pwa juga, awa byakta tuhu tuhu jugeka, kumwa kunang linganta.”
“Anaku Sang Sewaka Darma, apa pwa tan terus tumon Bhatara ring Campa, ring Malayu, mwang sarwa desa, yan tuhu byapaka arananta, awananta maring Sabrang, kunang yan ramon kanista ika, yan banawa kunang, madyama ika, kunang ikang utama, wiwahana juga, wiwahana ngaranya, mangke nucap mangke teka.
Mangke teka ngaranya, iki Bhatara Sinamaya, sama, nga., padha, ya, ya, nga., tan dudu, wyaktinyam pada, rikala aripning sarat, wyaktinyan ya wisesa, ikang iking de sang umanggihaken, kalinganyanaku, marya ta kon, marya angucap, marya awarah, mari winarah, mari umet, mari pinet, apan Bhatara ngucap, / apan Bhatara inucap,
4b. Bhatara winarah, Bhatara mawarah, Bhatara amet, Bhatara pinet, ya kalinganing langgong, menen tan molah, wruh yan samaya wisesa, ika basa samaya ngaranya, ikang ngke tan inucap, ya ika kunci rahasya ngaranya, atita Bhatara ring bunawa, pagehakena ring telenging swatma, aywenaranan, ayo tinuduh, aywa anaku,aywe nusana.”
Kunang hetuning mangaliha Bhatara ring buwana, marya angsana sang kinabaktyaning rat, kunang yan tumuta bakti, rwat eka edepanya, kumwataken Bhatara ring buwana, nor aken Bhatara ring sarira, branta sang putus yan mangkana, tumutaken ambeking rat, apan tunggal ya Bhatara ring sarira, yan ring bwana tan enak tapa, gili-giligen mwang Bhatara ring sarira, ya hana sangsayanen, tan molih umeneng juga, pinaka sandi-sandi ngaranya, mandadiaken anu-
5a. pdyanta, pamutusing sarira, yan / awuk drewahikang sarira, tan milu Bhatara awuk, haneng prekreti juga sira, prekreti ngaranya, ikang taya,
Kunang hetuning kasapta tan peteng, ritekaning pati, apanya tan alah ikang sangsaya, ikang wikalpa, tresna lupa, rikalaning ahurip, ya hetunika mangdadi mwah, sangkaning prekreti ika, mandeling Suklaswanita, kelwilu Bhatara dening idep, apan ya mala aken, tutur wikalpa, tutur nimitaning kasaputan, ring anta sarira, matangnyan asoyi Bhatara tanu ring rat, tan milu bwana, tan kasaputan peteng, tan kapadangan dening Aditya, apan gawenira ring Wikalpa ika, mangke tiki wekasing wisesan ya pada, ta ya sih apan katawengan dening sakala, predana sarira Bhatara, matangnyan tan wenang mangkana.
Kuneng ring Antasarira, sida wisesa moksawak, tan katamana wengi sira, kalinganya mati rumuhunya, tiniwaken tan pagagada, i-
5b. kang / tumaki taki iki, pada niskala pati, mwang niskala mangke, yata byakta tuhu, tuhu ngaranya, ayo kadi angrengo gereh, dening mangrengo kojaran Bhatara, kalinganya gumuruh-guruh, tan wruh ri wekasanya, aywa kadi angambung sekar, kinadut dening wang lyan, dening ngrasani rasa Bhatar, mangambung tan wruh ri unggwanya.
Kunang sang putus wruh, ri unggwaning tan pahunggwan, wruh wekasing tan pawekas, tan inawitan ikang don, i don kalinganya, yeka sabda asat ngaranya, yawat mangkana sari-sari, ya pawak Bhatara, ndan sira ta Sri Jagatnata, Sri ngaranya,mahalep; jagat ngaranya, buwana mwang sarwa jadma; nata, nga. , Prabhu, ndan sira kawitning sarwa tatwa, sira mijilaken en buwana, mwang sarwa jadma, sepakaranya, kalinganya sakeng masakala, hana ikang sarira, sakeng sarira ikang Aji mwang guna, sakeng guna aji ikang
6a. Dewa, sakeng Dewa ikang tuduh,/ sakeng tuduh hana ning sor mwang luhur, sakeng ser luhur, hana Wetan, Nidul, Kulon, Lor, ring padya, ika Sanghyang Pamutus, mangkana anaku Sang Sewaka – darma, kengetakena aywa lupa lingning aji iki, lingning Bhagawan Bhuda Gotama, bwat upadrawa, namo Bhuda ya.
Swaha swasti ya nama swaha. Kala wengi.

RESISASANA

Muwah resisasana, kayatnakena de sang resi, sang anggadoh sisia putra potraka ajar-ajar, ungon-ungon, paarabaru, parakili, parappuputut, paraindang mwah para guntung, paramanguyu, parabaruniti, paracantrik, sami kumayatnaha, sarasaning resisasana, tayataha; anaha kang amiakaken pager arang, anglumpatana pager andap, mondok-mondok ri apadang, aling alingana katon, salwiraning lumaku dusta; ika ta katundung arusak, kajaraha, sirajadrowono, kapupulana wong desa. Yang amatugepeng kaparekena ring wates kasudukana ring andong, pati wangi, nga.

Muwah yan hanaha amarabanga, amurugula, hana kang amrukunung hana angantotolana, hanaha kang alalawanana. Ika ta danda kayop, ngaa; 1600. yan tan hana kayop, katabuhana penengan, urudakena tur jarohan danda pati, nga.

Muwah wang aguntung, amnguyu, babarua kunang, yan lumaku anayab, amamaling, yan hana dadi kadang mitranipun, angalangika kakayopan 1600; aurip denya, yan hana angali gagadongan, aparakena ring wates, tumbakakena roning andong, turuhakena patiwangi, nga. Ika udug edan malania.

Muwah puputut anglawani indang-indang wong lian kang awekani, tan hana pacorake mwang jalu istri, lanji kamonjotan, nga, kakayop tinanggung 1600, sapaha sisih, danda wangi, nga.

Muwah wang aguntung, amanguyu muwah ki putut, anyolong wantayan muwah salwiraning tinandur pala bungkah, pala gantung, pala bungkil, pala gantang, salwiraning cinolong, yan amikul kakayop 1600. yan adotol kakayop 9000; yan anyangking kakayop 200; mangkana sasanania.

Muwah yan hana wang alpa ring sang adiguru, kakayop 1600, danda pitutur, nga.

Ling pada sanghiang, kamu hiang dewata kabeh, kramaning guru, den atemu denta; mangkana lingipun sanghiang ring dewata kabeh, iti kramaning aguru. Muwah aja ngalap rabining guru, hana putuning guru, sanak sang guru, udug tanpa turas kita, ajwangling linyok sang guru, binanyu mili kita, ajwangiliri gni tanpanembah, tanpa rupa kita, ajwa angluhuri tanpanembah, tan pawreta kita, ajwa nikelaken tuduh, tikel ing delahan kita, ajwa mada, ajwa anyale, tanpa lambekita, ajwa ngleroki, dileng kita delahan, ajwa anudingin guru, picek kita, ajwa mareki guru, awak juta, ganga kayu daun lepanata.

Yan anuruken ring guru, tan kawasa yan tan amapaga ring paprasan, dupanamar, sasaring dewa, nga. Dadi pandita, ajwa angideki riringgitan guru, pincang kita; ajwa anadaga guru, tanpasuku kita, ajwa amamati guru, wudug pada samangko kita, ajwa amangaan pareng awusan, kahenten sri kitaa, kari kitaa wusaaan, yan angaruhini adus, bule kita, karia kita wusaan; mangkana dasasilaning aguru.

Muwah guru tan wenang sembahen ring marga, ring lurung, ring lebuh, ring patayon, yanta papag kapanggih, kramania, kewala sungsung guyunen gantal saketeng, katurana. Yan sibakti den tumulus kabaktinira, ksangsepaning aguru, kadi ulam kalebu ing kwuwu, wenang mara tan wenang mundur.

Muwah away ahidu ariak ring arep sang guru, bacot catu kita, away anulis lemah areping guru, dugudig wesi kita. Yan guru kapapasan amimikul, sisia apapayung, wiyung binanting tan yohana kita; yan sira atatandur, tan kongang amangana karuhun, angaturana pawitra; yan sira arabi tan kengang tan awaraha, yan kinonkon tan hana basa lumuh.

Muwah away anglungguhi palungguhaning guru, wungkuk kita ring delahan; yang guru pejah tan kawasa tan palika; yan sira nembah, tan kengang nora lepana, yan guru angucap, tan kawasa sira narunga, aja ngogah-ogah turus aijo, aja ginggang sawur ing kurungan, aja angliling raring embanan, away anganja-anja ring wengi, ajangalembu anggala, away angidung akakawin, atut dalan, away amangan sambia rarasan, tan pambe kita, away mulat ing doh tan pawarga kita, away angucaap solahing waneh, gabah ring delahan kita.